我在和你塞遇見的那個人

By Breakup Tours | September 23, 2019

如果你的男/女朋友要移民,你會跟他走嗎?
「唔好意思,唔記得帶尿袋,可唔可以借你嗰個差差電?」

在往機場的路上,我們一車人在巴士上塞了近3小時。

終於到了收費站。
有人抱怨,有人神態自若玩手機,有人閉目養神。
我是第四種,差不多全程傾偈。因為一個尿袋,我認識了坐旁邊的男人,Peter。
他跟我一樣,今天飛台灣。但我去台北,他去台中;我去玩,他去「睇地,睇樓。」

近來朋友間的話題都離不開續BNO又或者移民,台灣地點近而且門檻低,很多人都已準備過去睇樓睇環境,研究如何在當地生活。

「你自己一個人移民?屋企人呢?」

「我父母年紀大,唔想搞咁多嘢……」

這時他電話有新訊息,他望了望。

「其實今次本來同女朋友去,但唔知佢最後會唔會嚟。」

Source: Pinterest by kochavim

Peter從事金融行業,與女朋友拍拖6年,大家財政獨立,但都有個共同目標,就是儲錢結婚。但近幾年Peter覺得生活愈來愈壓迫,而且身體健康也因為工作壓力轉差,所以開始有辭職轉行、甚至離開香港的念頭。

「諗諗下,不如去台灣搞民宿,教人滑浪,搵少啲但生活開心啲。」

他幾年前用略帶試探的口吻跟女朋友提起這念頭。

「我都覺得自己自私,佢事業發展得幾好,喺大公司升咗上manager位,屋企人又錫佢,點解要為我放棄所有嘢?」

感情事沒有對錯,他不怪女朋友不能為他犧牲事業家人,因為相反地,他也沒有為女朋友放棄離開的念頭。之後他有跟女朋友認真地提起想結婚,想移民。女朋友說結婚沒問題,但真的不想移民。最後大家也沒有逼大家做決定,仍然在一起。直到今年年頭,Peter終於受不了,找了移民顧問,開始準備移居台灣。女朋友不知道嗎?知道,Peter也沒有隱瞞,但兩人都沒說分手,女朋友甚至還提醒他在台灣睇樓、開銀行戶口的細節。好幾次二人在分手邊緣,吵鬧過後,卻又繼續聯絡。

「可能覺得,未去到最後關頭都未想分…」

這次是Peter第一次去台灣睇樓,很想女朋友在場,明知大家可能好尷尬、明知二人將來未必有結果,但仍然想她在場,所以他還是幫女朋友買了機票。他說女朋友知道後的反應,先是呆了一呆,然後笑著說會考慮一下,著他記得把e-ticket電郵給她。

「如果佢嚟,你覺得係咪代表啲咩?」

代表他女朋友肯移民?代表他女朋友不想他一個人?

「老老實實,你哋認真坐低傾啦,我俾唔到意見你㗎手足,總之唔好俾自己後悔!」

巴士終於來到機場,大家爭相落車,因為要打開行李檢查,當我再執好行李時,Peter已不知所蹤,之後我在機場逛了一圈,也找不著他。

我只好祝他找到自己最理想的家。 

Breakup Tours
度身訂造 單身自助遊
iOS手機程式將於2019年第4季推出
Website
Facebook
Instagram
  • 台北
  • 台中
  • 高雄
  • 台南
  • 清邁
  • 曼谷
  • 東京

聯絡我們

如有任何合作查詢,歡迎電郵至 hello@breakuptours.com 與我們聯絡,
如對我們有任何疑問,歡迎電郵至 cs@breakuptours.com 與我們聯絡。

iOS手機程式
2019年第4季發佈